Ako ay makadiyos, makakalilkasan, makatao at makabansa… at Makateño.

Itatago ko ang aking katauhan sa pangalang Tim Ang. Baka kasi malaman ninyo na ako si Martin. Mahirap na, mahal na kasi ang bigas.

Kung iniisip niyong ginaya ko ito kay Bob Ong, puwes, nagkakamali kayo. Kumakain na ako ng bubog nang isinilang si Bob Ong sa mundong ito.

Si Tim Ang ay iniluwal sa puwerta ni Mother Earth noong nasa Grade 4 pa lamang ako. So, matagal na yun. May kaklase ako na kagrupo ko noon sa project sa HEKASI. Tungkol sa ARMM yung report namin. Aba’y akalain mo ba namang hindi ako tulungan ni katiting na salita wala akong narinig sa kanya. Kaya yun, naisip kong tawagin siyang Tim Ang. Di ko sure, sikat yata noon si Atong Ang dahil sa impeachment case ni Erap.

At yun na yun, the rest is history.

_______________________________________________________________

Ako ay kasalukuyang nag-aaral sa Unibersidad ng Pilipinas. Hindi na BS Mechanical Engineering ang course ko. Wala akong ka-inte-interes sa makina o engineering. Sa awa ng Diyos, nakalipat ako sa ibang kurso, na kumportable naman ako. Hindi ko alam kung alam na ng ibang tao ang course ko na pilit kong itinatago sa walang kadahilanan.

Nakatira ako sa Makati pero hindi ako mayaman, si mudra ko ang mayaman, ang pudra ko ay pobreng alindahaw, at mga kapatidlets ko ay nabibilang sa middle class.

Hindi ako kumakain ng baboy pati baka kaya kapag magpapakain kayo, okay na ang kanton sa akin.

Isa akong dakilang mambabasa ng diyaryo at henyo sa larangan ng sports. Ang umangal, forever bawal.

Maarte ako, pero sa tamang paraan.

Manhid ako, pero sa tamang daan.

Tanga ako, pero di ko alam.

Guwapo ako, pero di niyo alam.